Қазақстандық конькимен жүгіруші Евгений Кошкин Нидерландтың Херенвен қаласында өтіп жатқан Әлем кубогының кезеңінде жеңімпаз атанды, деп хабарлайды olympic.kz.
Қазақстандық спортшы 500 метр қашықтықта үздік нәтиже көрсетті. Оның уақыты – 34,46 секунд.
Мәреге екінші болып канадалық Лорен Дюбрель жетті – 34,51 секунд. Қола жүлдені нидерландтық Еннинг Де Боо иеленді – 34,52 секунд.
Айта кетейік, бұған дейін осы Әлем кубогының кезеңінде Кошкин үшінші орын алған болатын.
Сондай-ақ Евгений Кошкин Польшадағы Әлем кубогы кезеңінде алтын медаль жеңіп алған еді. Польшаның Томашув-Мазовецк қаласында өткен жарыста Евгений Кошкин 500 метр қаштыққа жүгіруден жоғары нәтиже көрсетіп, жеңімпаз атанды. Оның мәреге жеткен уақыты – 34,52 секунд.
Мақаланың түпнұсқасы: https://kaz.nur.kz/sport/other-sports/2224940-qazaqstandyq-konkimen-zhugirushi-evgenii-koshkin-alem-kubogynyng-kezenginde-ekinshi-ret-altyn-aldy/
Пікірлер жүктелуде