Елена Рыбакина әлемнің екінші ракеткасы атанады

Қазақстандық теннисші Елена Рыбакина алғаш рет Әйелдер теннис қауымдастығының (WTA) рейтингінде екінші орынға көтерілді, деп хабарлайды Sports.kz.

Рыбакина поляк спортшысы Ига Швентекті екінші орыннан ығыстырды.

Бұған қазақстандық теннисшінің Индиан-Уэллс (АҚШ) турнирінің жартылай финалына шығуы себеп болды, онда ол америкалық Джессика Пегуланы жеңді.

Ал Ига Швентек украиналық теннисші Элина Свитолинадан жеңіліп, WTA рейтингінде үшінші орынға түсіп қалды. Енді Рыбакина Свитолинамен кездеседі.

Қазір Рыбакина 7 523 ұпаймен екінші орында, ал беларусь теннисшісі Арина Соболенко 10 415 ұпаймен көш бастап тұр.

Еске сала кетейік, Рыбакина екі "Үлкен дулыға" турнирінің жеңімпазы: ол 2022 жылғы Уимблдон және Australian Open-2026-да жеңіс тұғырына көтерілді.

Мәтіннен қате тапсаңыз, бізге жазыңыз