79 жастағы мүгедек душ қабылдап тұрып, кранға қолы тиіп құлап қалады. Алайда оны ешкім көрмегендіктен, зейнеткер алты сағат бойы қайнаған су астында жатыпты. Нәтижесінде Алан Павитт Лондондағы ауруханада ес жимастан мерт болған деп хабарлайды Life.ru сайтына сілтеме жасаған NUR.KZ.
Ауруды күтуші оған таңғы сағат 10-да келуі керек болған. Бірақ ол жұмысына кешігіп келіп, пәтерде Аланды көрмегендіктен, оны серуендеуге кетті деп ойлапты. Әйелдің айтуынша, ол сыртқа қайта шығып, сағат 14:00-де үйге қайта кіреді. Жуынатын бөлмеге барып, Аланның ыстық су астында ес-түзсіз жатқанын байқапты.
Шошып кеткен әйел жедел-жәрдемге хабарласып, көмек сұраған. Алайда ол зейнеткердің жағдайы қаншалықты ауыр екенін түсіндіре алмағандықтан, медициналық көмек күндізгі төрт шамасында бір-ақ келеді.
Жүрегінен инсульт алып, арбаға таңылған азамат күйіктің кесірінен ауруханада тоғыз күн жатып қайтыс болды.
"Біз ауруханаға келіп жеткенде Алан өлім аузында жатты. Оның аяғының күйіп қалғаны соншалық, тіпті терісі де қалмапты. Ыстықты ұзақ уақыт жатып, денесінде көп су жоғалтқан", - дейді Аланның 43 жастағы келіні Шелли Павитт.
Енді марқұмның жақындары Аланның өліміне күтуші әйелді кінәлап, басқаларға сабақ болуы үшін оның жазаланғанын қалап отыр.
Мақаланың түпнұсқасы: https://kaz.nur.kz/world/1731805-dusta-klap-kalgan-mgedek-6-sagat-kajnagan-su-astynda-zatyp-kajtys-boldy-foto/
