Көкек ана кішкентай нәрестесін қорапқа салып, көше бойына тастап кетті (фото)
Опубликовано:
Қытайдың Хэчи қаласында кішкентай нәрестені көкек анасы қорапқа салып, көше бойына тастап кетті. Бұл туралы NUR.KZ порталы 120.su сайтына сілтеме жасап хабарлайды.
Оқиға куәгерлері қораптан нәрестенің жылаған дауысын естіп, көмекке асығады. Анасы баласын көрпеге орап, қасына бір шөлмек сүт пен хат қалдырып кетіпті.
Хатта нәрестенің төртінші тамыз күні дүниеге келгені жазылған. Куәгерлердің бірі шырылдап жылаған сәбиді полицейлер келгенше жұбатуға тырысты.
Полицейлер баланың ата-анасын іздестіруде. Олар үш жылға дейін бас бостандығынан айырылуы мүмкін.
Қораптан табылған қыз баланың денсаулығы жақсы. Оны асырап алуға бірнеше отбасы ниет білдіріп отыр.
Мақаланың түпнұсқасы: https://kaz.nur.kz/world/1748703-kkek-ana-kiskentaj-nrestesin-korapka-salyp-kse-bojyna-tastap-ketti-foto/