Қытайда химиялық зауыттың жарылуынан қаза тапқандардың саны 64-ке жетті

Қытайдың Яньчэнь қаласындағы химиялық зауытта болған жарылыстан қаза тапқандардың саны 64 адамға жетті. Бұл туралы Риа Новости-ге сілтеме жасаған KAZ.NUR.KZ хабарлайды.

Қазіргі уақытта қайтыс болған 26 адамның аты-жөні анықталды.

73 зауыт қызметкерінің жағдайы ауыр.

Айта кетейік, жарылыстан соң өрт болған.

Өндіріс нысаны ғимаратының басқа да бөлімдерін от шарпыған.

Жарылыс күшінен зауытқа жақын орналасқан тұрғын үйлер мен мектептердің терезелері сыныпты.

БАҚ-тың хабарлауынша, жарылыстан зауытқа жақын орналасқан балабақшадағы балалар да зардап шеккен.

Жарылыс себебі әзірге анықталған жоқ.

Тыңайтқыш өндірілетін зауыт Яньчэнь қаласында 2007 жылы ашылған.