Ыстықкөлдегі демалыс орындарының бірінде жаппай төбелес болды

Ыстықкөлде Сары-Ой ауылында орналасқан "Радуга" демалыс орнында жаппай төбелес болды. Видео әлеуметтік желіде тарады, деп хабарлайды KAZ.NUR.KZ тілшісі vesti.kg басылымына сілтеме жасап.

Жазба авторының сөзінше, бір топ жергілікті тұрғын демалыс орнының жағалауына кіріп, күзетшілерге шабуыл жасаған. Олар демалушыларға қарсы өзін өте агрессивті ұстаған.

"Төбелесіп жатқан жергілікті тұрғындардың екеуі жақын жердегі бөтелкелерді алып сындырып, сынықтарымен күзетшілерге шабуыл жасады. Өте қорқынышты болып кетті. Оларды күзетшілер де тоқтата алмады. Сосын қалған жергілікті тұрғындар темір таяқтарды алып, балалар самокатын сындыра бастады", - деді төбелестің куәгері.

Аталған жайтты Ыстықкөл Ішкі істер басқармасы растады. Олардың мәліметіне сүйенсек, арыз шамамен сағат 12:50-де түскен, аудандық милиция қызметкерлері оқиға орнына бірден аттанған.

Жедел-тергеу тобы аталған істің мән-жайын анықтау үшін әлі де демалыс орнында жүр. Қазір төбелеске қатысқан тұлғаларды анықтау жұмыстары жүргізілуде. Барлығы милиция бөлімшесіне жеткізілді.

Мәтіннен қате тапсаңыз, бізге жазыңыз