Мысырдың танымал курортында туристке акула шаубыл жасады

Мысырдың Хургада курортында австриялық туристке акула шаубыл жасап, салдарынан ол көз жұмды, деп хабарлайды РИА Новости Ресейдің Хургададағы консулдығына сілтеме жасап.

Консулдықтағы дереккөздің мәліметінше, оқиға Сахль-Хашиш ауданында болған.

"Акула оның қолынан және аяғынан тістеп алған", - дейді ол.

Кейінірек дереккөз әйелдің алған жарақтынан қайтыс болғанын хабарлаған.

Бұл жайтттан кейін жергілікті билік үш күнге Сахль-Хашиш ауданынан Макади-Бэй айлағына дейін аралықта шомылуға, дайвингке, снорклингке және балық аулаға тыйым салған.

РЕНТВ-ның "Аль-Ахбар" порталына сілтеме жасап хабарлауынша, қаза болған әйел 68 жастағы Австрия азаматшасы. Ол мысырлық азаматқа тұрмысқа шығып, осында тұрып жатқан.

1 шілде күні зейнеткер Хургада курортының оңтүстігіндегі Сахль-Хашиш ауданында шомылып жүрген. Кенет оған акула шабуыл жасаған.

Оқиға орнына келген медицина қызметкерлері әйелді бірден ауруханаға алып кеткен, алайда ол жолда көз жұмған.

Мақаланың түпнұсқасы: https://kaz.nur.kz/world/1976674-mysyrdyn-tanymal-kurortynda-turistke-akula-saubyl-zasady/