Дубайда араб әлеміндегі ең үлкен кітапхана ашылды
Опубликовано:
![Дубайда ең үлкен кітапхана ашылды Дубайда ең үлкен кітапхана ашылды](https://cdn.nur.kz/images/1120x630/925e10fb24c61d61.jpeg)
Дубайдың билеушісі шейх Мұхаммед ибн Рашид атындағы бұл кітапхана күн энергиясын пайдаланады және ең жаңа технологиялар мен жасанды интеллектті қолданады. Кітапхана қалың көпшілікке 16 маусымда ашылды, деп хабарлайды islamosfera.ru сайты The National News-ке сілтеме жасап.
Құны 1 миллиард дирхам немесе 272,3 миллион долларға жеткен кітапхананың құрылысы 2016 жылы басталған. Ғимарат ерекше пішінге ие, яғни Құранның астына қоятын ағаш тұғыр түрінде жасалған. Кітапхананың жалпы ауданы – 54 000 шаршы метр.
![Дубайдағы кітапхана Дубайдағы кітапхана](https://cdn.nur.kz/images/1120/44a79d4d4a20af06.jpeg)
Мұнда жабық және ашық амфитеатр, әдеби мұражай, конференц-орталық, екі қабатты дәмхана және сыйлықтар дүкені орналасқан. Кітапхана мұнымен шектелмейді. Алдағы жоспарда электронды ойын бөлмелерін ашу, авторлық іс-шаралардың ай сайынғы бағдарламасын және Emirates Airline әдебиет фестивалінің сессияларын өткізу қарастырылған.
![Шейх Мұхаммед ибн Рашид кітапхананың ашылуында Шейх Мұхаммед ибн Рашид кітапхананың ашылуында](https://cdn.nur.kz/images/1120/158b81fca3868d23.jpeg)
Жоба авторлары экологиялық тазалықты да ескерген. Ғимарат энергияның 10 пайызын шатырға орнатылған күн батареяларынан алады. Оның сыртқы дизайнының ерекшеліктері интерьерді оқшаулауға, жылу шығаруды азайтуға және ішкі ортаны реттеуге мүмкіндік береді. Төбедегі терезелер табиғи жарықты өткізе отырып, электр қуатын үнемдейді. Кондиционерлердің суы жасыл желектерді суару үшін қайта қолданылады.
![Дубай кітапханасы Дубай кітапханасы](https://cdn.nur.kz/images/1120/958d4e653ef4518b.jpeg)
Кітапхана келушілердің сұранысына жауап беру үшін автоматтандырылған сақтау және электронды кітап іздеу жүйесін, өзіне-өзі қызмет көрсету терминалдарын, кітаптар мен ақылды роботтарды цифрландыру зертханасын қоса алғанда, ең жаңа технологиялар мен жасанды интеллектті қолданады.
![Дубайдағы кітапхана Дубайдағы кітапхана](https://cdn.nur.kz/images/1120/e9debddacac314ab.jpeg)
Бұл ғимарат дәстүрлі кітапханалардан әлдеқайда озық. Тәуелсіз мәдени орталық болашақ кітапханаларға жол ашады.
![Дубайдағы кітапхана Дубайдағы кітапхана](https://cdn.nur.kz/images/1120/ddf5d653295e6e5a.jpeg)
"Біз мәдени орталық болатын қиял әлеміндеміз, мұнда сіз өзіңіз жаңалық ашасыз, – дейді кітапхана директоры Джамал аш-Шахи.
Кітапхана жеті қабаттан тұрады және құрамында 30 тілде миллионнан астам баспа және сандық кітаптары бар тоғыз мамандандырылған кітапхана бар.
![Дубайдағы кітапхана Дубайдағы кітапхана](https://cdn.nur.kz/images/1120/381a649fd1c24236.jpeg)
17000 атаудан тұратын балалар кітапханасы түрлі-түсті етіп жасақталған, ойыншықтар мен балаларға арналған ойын алаңы қарастырылған. Зағип жандарға арналған Брайль шрифтімен басылған балалар кітаптарын да табуға болады. Аутизмі бар адамдар үшін сенсорлық капсула бар.
![Дубайдағы кітапхана Дубайдағы кітапхана](https://cdn.nur.kz/images/1120/efc0979d50b7c71c.jpeg)
Бірінші қабатта екі кітапхана бар, олардың біреуі карталар мен атластарға, екіншісі БАҚ пен өнерге арналған. Екінші кітапханада 20 ғасырдың ортасындағы араб газеттері мен журналдарының кең коллекциялары сақталған.
![Дубайдағы кітапхана Дубайдағы кітапхана](https://cdn.nur.kz/images/1120/070c8b0038656365.jpeg)
![Дубайдағы кітапхана Дубайдағы кітапхана](https://cdn.nur.kz/images/1120/c8b23940abbc710d.jpeg)
![Дубайдағы кітапхана Дубайдағы кітапхана](https://cdn.nur.kz/images/1120/0f557c32f1a6cfcf.jpeg)
Мақаланың түпнұсқасы: https://kaz.nur.kz/world/1978518-dubaida-arab-alemindegi-en-ulken-kitapxana-asyldy-foto/