Швеция премьер-министрі отставкаға кететінін мәлімдеді
Опубликовано:
Швеция премьер-министрі Магдалена Андерссон Риксдагтағы парламенттік сайлауда жеңілгенін мойындады. Ол бейсенбі, 15 қыркүйекте отставкаға кететінін мәлімдеді, деп хабарлайды The Local сайтына сілтеме жасаған KAZ.NUR.KZ.
"Ертең мен премьер-министр қызметінен кетуге өтініш беремін. Ал үкіметті жасақтау процесін жалғастыру жауапкершілігі спикер мен парламентке өтеді", - деді ол.
Андерссон қазір уақытша үкіметті басқаратыны айтылды. Жаңа министрлер кабинеті жасақталған бойда ол оппозициядағы "Социал-демократиялық лейбористер" партиясын басқарады.
Соңғы мәліметтерге сүйенсек, Швеция парламентіндегі оңшылдар - 176 орынға, ал солшылдар блогы - 173 орынға ие болған. Риксдагта барлығы 349 орын бар.
Мақаланың түпнұсқасы: https://kaz.nur.kz/world/1987893-sveciya-premer-ministri-otstavkaga-ketetinin-malimdedi/
