Путин Херсон және Запорожье облыстарының тәуелсіздігін мойындау туралы жарлыққа қол қойды

Ресей Федерациясының президенті Владимир Путин Херсон және Запорожье облыстарын тәуелсіз аумақтар деп тану туралы жарлыққа қол қойды. Құжаттар құқықтық ақпарат ресми интернет-порталында жарияланды, деп хабарлайды KAZ.NUR.KZ.

"Халықаралық құқықтың жалпылай қабылданған қағидаттары мен нормаларына сәйкес, БҰҰ Жарғысында бекітілген халықтардың тең құқықтары мен өзін-өзі билеу принципін растай отырып, мен 2022 жылғы 27 қыркүйекте өткен референдумдағы Херсон облысы халқының еркін ескере келе, Запорожье/Херсон облысының егемендігі мен тәуелсіздігін мойындау туралы шешім қабылдадым", - делінген құжаттарда.

Еске сала кетейік, 23-27 қыркүйек аралығында бұл аймақтарда Ресейге қосылу туралы референдум өткен болатын.