Nokia 60 жылда алғаш рет өз логотипін өзгертті

Финляндиялық Nokia компаниясы логотипін өзгертіп, стратегиясын жаңартты. Тиісті жазба компания президенті Пекки Лундмарктың блогында пайда болды.

"Біз стратегиямызды жаңартып жатырмыз және негізгі фактор ретінде логотипімізді де жаңартпақпыз. Алдыңғы логотиптің "күш-жігеріне" сүйене отырып, біз оны заманауи әрі цифрлық етіп жасадық. Сонымен бірге біз онда өз болмысымызды көрсететін боламыз", – делінген компания президентінің хабарламасында.

Лундмарк, бұдан бөлек, логотип Барселонадағы көрмеде ұсынылғанын және бүгінде ол барлық сайттар мен активтерде енгізіліп жатқанын хабарлады.

Айта кетейік, компанияның ресми сайтындағы ақпаратқа сәйкес, бүгінде әйгілі Nokia-ның 130 елде өкілдігі бар және оның бизнесте жүргеніне 155 жылдан астам уақыт өткен.