Мәскеуде және Ресейдің екі облысында терроризмге қарсы операция режимі енгізілді

Терроризмге қарсы операция режимі Мәскеуде, Мәскеу және Воронеж облыстарында енгізілді, Бұл туралы KAZ.NUR.KZ Ресейдің Ұлттық терроризмге қарсы комитетінің ВКонтакте желісіндегі парақшасына сілтеме жасап хабарлайды.

"Мәскеу қаласы, Мәскеу және Воронеж облыстарының аумағында болуы мүмкін террористік әрекеттердің алдын алу мақсатында терроризмге қарсы операция режимі енгізілді", - делінген комитет таратқан хабарламада.

Бұл туралы Мәскеу мэрі Сергей Собянин оқиғаға қатысты Telegram-дағы ресми арнасында хабарлады.

Оның айтуынша, террористікке қарсы операция режимінің енгізілуіне байланысты қалада өтетін бұқаралық іс-шаралар тоқтатылды.

"Қаланың барлық қызметі толық көлемде жұмыс істеуде, қала бойынша қозғалыс қиындаған жоқ. Мәскеуліктер мен қала қонақтарына түсіністікпен қарап, болып жатқан жайтқа сабырлық танытқаны үшін рахмет айтамын", - деп жазды қала мэрі.

Мәтіннен қате тапсаңыз, бізге жазыңыз