Воронеждегі мұнай базасында жанармай резервуары өртенді (видео)

Воронеж облысының губернаторы Александр Гусев Воронеждегі мұнай базасында жанармай құйылған резервуардың бірі өртенгенін айтты. Бұл туралы ол Telegram-дағы ресми арнасында хабарлады.

"Воронежде Димитрова көшесіндегі мұнай базасында жанып жатқан жанармай резервуары сөндіріліп жатыр. Оқиға орнында 100-ден астам өрт сөндіруші мен 30 техника жұмыс істеп жатыр. Алғашқы мәліметтер бойынша зардап шеккендер жоқ", - деді губернатор.

Желіде куәгерлердің оқиғаны түсірген видеосы тарады.

Ескерту! Видеода жантүршігерлік кадрлар бар!

Айта кетейік, Ресейдің Воронеж обылысында жедел-әскери іс-шаралар жүргізіліп жатқанын жазған едік.

Ресейдің Ұлттық терроризмге қарсы комитеті терроризмге қарсы операция режимі Мәскеуде, Мәскеу және Воронеж облыстарында енгізілгенін хабарлаған болатын.