Пригожин: Біз колонналарды кері қайтарып, қарама-қарсы бағытқа бет алдық

Евгений Пригожин колонналар кері қайтарылып, Ресей қалаларынан далалық лагерьлерге бет алғанын айтты. Бұл туралы ол өзінің Telegram-каналында мәлімдеді, деп хабарлайды KAZ.NUR.KZ.

"Біз 23 маусымда "әділеттілік шеруіне" бардық. Тәулік бойы Мәскеуге дейін 200 шақырым қалғанша жүрдік. Бүгін қан төгілуі мүмкін сәт туып отыр.

Тараптардың бірінен орыс қаны төгілетіні тұрғысынан барлық жауапкершілікті түсініп, колонналарымызды кері қайтарып, жоспар бойынша қарама-қарсы бағыттағы далалық лагерьлерге бет алдық", - деді Пригожин аудиохабарламада.

Еске салайық, бүгін түнде Ресей "Вагнер" ЖӘК басшысы Евгений Пригожиннің қарулы көтеріліс бастағанын мәлімдеген еді.

Владимир Путин бұл жайтқа қатысты үндеу жасады. Ол болып жатқан жағдайды сатқындық деп атады.

Сол арада Қазақстанның Ресейдегі елшілігі азаматтарға Ресейдің Украинамен шекаралас аймақтарына бармауды ескертті

Мәтіннен қате тапсаңыз, бізге жазыңыз