Губернатор "Вагнер" ЖӘК колоннасы Ростов-на-Донудан шыққанын растады

Ростов облысының губернаторы Василий Голубев "Вагнер" ЖӘК колоннасы Ростов-на-Донудан шыққанын хабарлады. Бұл туралы ол өзінің ресми Telegram-арнасында жазды, деп хабарлайды KAZ.NUR.KZ.

Бұған дейін бірқатар ресейлік БАҚ "Вагнер" ЖӘК жауынгерлерінің Ростов-на-Донудағы Оңтүстік әскери округінің штабы маңындағы аумақтан кете бастағанын хабарлаған еді.

Аймақ басшысы кейін олардың қаладан шығып кеткендерін айтты.

"Вагнер" ЖӘК колоннасы Ростовтан шығып, өздерінің далалық лагерлеріне қарай бет алды", – деп жазды Голубев.

Ол сондай-ақ Дон астанасы мен бүкіл Ростов облысындағы тіршілікті қамтамасыз ету жүйелерінің үйлесімді жұмысын қамтамасыз еткендердің барлығына алғысын білдірді.

Сондай-ақ РИА Новости Telegram арнасы "Вагнер" ЖӘК басшысы Евгений Пригожиннің де Ростов-на-Донудан кеткенін хабарлады. Тілшілер оның жол талғамайтын көлігімен қаладан шыққаны айтылған видео жариялады.

Сондай-ақ тілішлер Ростов-на-Донудан ЖӘК әскери техникасы колоннасының қалай кетіп бара жатқанын көрсетті.