Ердоған Украинаның НАТО-ға кіру ниетіне қатысты пікір білдірді

Түркия президенті Режеп Тайып Ердоған президент Владимир Зеленскиймен бірге өткен брифингтен кейін Украинаның НАТО-ға мүше болуға лайық екенін айтты. Бұл туралы KAZ.NUR.KZ "Украинская правда" басылымына сілтеме жасап хабарлайды.

"Украина, сөзсіз, НАТО-ның мүшесі болуға лайық. Алдарыңызда тұрып бір нәрсені қайталап айтқым келеді: әділ бейбітшілік орнатылса, ешкім ұтылмайды", - деді Түркия президенті Зеленскиймен бірге өткізген брифинг кезінде.

Сондай-ақ Ердоғанның сөзінше, Түркия Украинаның "аяққа тұруына" көмектеседі.

"Украина нарығында көшбасшы болып табылатын біздің құрылыс компаниялары украиналық достарымызға елді қалпына келтіруге көмектеседі", - деді Түркия президенті.

Ердоған мен Зеленскийдің кездесуі жұма күні, 7 шілдеде Ыстамбұлда өткен. Ел басшылары Украинадағы жағдайды, сондай-ақ 17 шілдеде мерзімі аяқталатын астық туралы келісімшартты ұзарту мәселесін талқылады.