Ташкентте әуежай маңында жойқын жарылыс болды (видео)

Өзбекстан астанасы Ташкентте кеше түнде қатты жарылыс болды. Қайтыс болғандар туралы мәлімет жоқ, бірақ зардап шеккендер бар. Желі қолданушылары төтенше жағдай болған жерден түсірілген кадрларын бөлісуде.

Life.ru басылымынң жазуынша, төтенше жағдай Ташкенттегі кеден қоймасында болған. Жарылыстың қатты болғаны сонша, жақын маңдағы ғимараттардың терезелері сынған. Жарылыстан кейін өрт басталған.

Өзбекстан полициясының баспасөз қызметі жарылыс Сіргелі ауданындағы кәсіпорындардың бірінің қоймасында болғанын анықтады. Алдын ала болжам бойынша сол уақытта ол жерде адамдар болатын. Қазір оқиға орнында төтенше жағдайлар қызметі жұмыс істеп жатыр.

NOVA24.uz басылымы Төтенше жағдайлар министрлігінің ақпаратына сілтеме жасай отырып, жарылыс сағат 02:43-те ел астанасының Сіргелі ауданында болғанын хабарлайды. Оқиға орнына дереу 16 өрт сөндіру және құтқару тобы жіберілген. Қазір төтенше жағдайлар қызметі өртті сөндіруде.

Елдің Төтенше жағдайлар министрлігінің мәліметінше, құрбан болғандар мен қаза тапқандар туралы әзірге ақпарат жоқ.

Telegram-дағы Shot басылымының хабарлауынша, бөлмеде әуежай қызметкерлері көп болған. "Қазір ауруханалар зардап шеккендерге толы", - деп жазады басылым.

Mash Telegram-арнасының хабарлауынша, Ташкенттегі жарылыстың алдын ала себебі кеден қоймасында сақталған электромобильдерге арналған аккумуляторлар болуы мүмкін.

Жарылыс салдарынан қойма ғимаратының түгел дерлік қирағаны атап өтілді. Қазір жедел жәрдем қызметі зардап шеккендерді эпицентрден шығарып, ауруханаларға жеткізуде.