Түркия 100 жылдығын қалай атап өтті

Кеше, 29 қазанда Түркия Республикасының құрылғанына 100 жыл толды. KAZ.NUR.KZ тілшісі тойлау рәсімі қандай болғанын баяндайды.

Республиканың 100 жылдығына орай елдің түрлі қаласында мерекелік іс-шаралар өтті. Атап айтқанда, Стамбұлда Түркия әскери-теңіз күштерінің тарихындағы ең ірі шеру өтті, ал Анкарада Ататүрік мемориалында гүл шоқтарын қою рәсімі өтті.

Жергілікті БАҚ Түркия президенті Режеп Тайип Ердоған мереке аясында Анкарадағы Ататүрік кесенесіне барғанын хабарлады. Содан кейін президентті үкімет мүшелері, саяси партиялардың, жұртшылықтың өкілдері, шетелдік дипломатиялық миссиялардың басшылары Президент сарайындағы салтанатты рәсімде мерекемен құттықтаған.

Әлеуметтік желілерде тойлау сәтінен видеолар мен суреттер жарияланды. Босфор жағалауындағы отшашу мен дрондар шоуынан көріністерді байқауға болады.

2011 жылы ұлттық әуе күштерінің жүз жылдығына орай құрылған Solotürk аэробатикалық тобы мереке күні Мұстафа Кемал Ататүрік кесенесінің үстінде демонстрациялық ұшуды орындады.

Дрондар шоуында османдық және түрік мемлекеттік, саяси қайраткер және әскери қолбасшы, Түркия негізін қалаушысы және реформаторы Мұстафа Кемал Ататүріктің бейнесі салынды.

CNN Youtube-арнасында Режеп Тайып Ердоғанның құттықтау сөзі жарияланды.

Түркия республикасы туралы деректер:

▪️ 1923 жылы 24 шілдеде Лозанна келісіміне қол қойылды, оған сәйкес Түркияның тәуелсіздігі мойындалды;

▪️1923 жылы 13 қазанда, Түркия парламентінің екінші шақырылымы басталғаннан кейін 2 ай өткен соң үкімет Анкарада орналасты;

▪️ 1923 жылы 29 қазанда жасырын дауыс беру кезінде барлық 158 депутаттың қолдауына ие болған Ататүрік Жаңа түрік мемлекетінің бірінші президенті болып сайланды;

▪️ 1925 жылы 19 сәуірде түрік парламенті 29 қазанды ұлттық мереке деп жариялады.