Марк Цукерберг ауруханаға түсіп қалды

Әйгілі бизнесмен Марк Цукербергке ота жасалды. Миллиардер аралас жекпе-жекке дайындық кезінде ауыр жарақат алып қалған, деп хабарлайды KAZ.NUR.KZ.

Цукерберг Facebook-тегі парақшасында ауруханада жатқан фотосын жариялап, аяғына ота жасалғанын айтты.

"Спарринг кезінде жарақат алып қалып, ота жасаттым. Маған күтім жасап жатқан дәрігерлер мен командаға алғысым шексіз. Келесі жылдың басында өтетін аралас жекпе-жекке (ММА) дайындалып жатқан едім, енді жекпе-жек кейінге қалатын болды", - деп жазды бизнесмен желіде.

Сондай-ақ Цукерберг денсаулығы жақсарған соң жекпе-жек өткізуге ниетті екенін айтты.

Fаcebook қолданушылары миллиардерге тезірек сауығып кетуін тіледі.