"Путинді басып озды": танымал америкалық әнші "Жыл адамы" атанды

Америкалық Time басылымының нұсқасы бойынша әйгілі әнші Тейлор Свифт "Жыл адамы" атанды. Әнші бұл рейтингте Қытай және Ресей президенттерін басып озды, деп хабарлайды KAZ.NUR.KZ.

Time басылымының жазуынша, Тейлордың әртіс ретінде мәдени және коммерциялық бағыттағы жетістіктері өте көп. Оны айтып, тауысу мүмкін емес.

"Ол поп-жұлдыз ретінде ол Элвис Пресли, Майкл Джексон және Мадонна сынды тұлғалармен деңгейлес. Ән авторы ретінде оны Боб Дилан, Пол Маккартни және Джони Митчеллмен салыстырады. Бизнесвумен ретінде ол құны 1 миллиард долларға бағаланатын империя құрды", - деп жазады басылым.

Айта кетейік, қазіргі уақытта Тейлор Свифттің капиталы 1 миллиард 125 миллион долларға бағаланып отыр (520 миллиард теңгеден астам – ред.). Ол байлығын тек музыка арқылы еселеген алғашқы әнші.

Сонымен қатар Forbes Тейлорды әлемдегі ең беделді әйелдер рейтингіне қосқан еді.

Ал биылғы қарашада Тейлор беделді "Грэмми - 2024" музыка премиясының алты номинациясы бойынша жеңімпаз атанды.