Top.Mail.Ru

Сайт нұсқасы

ru kz

Зектілері

Зеленский Залужныйдың орнына жаңа қолбасшыны тағайындады

Опубликовано:

Владимир Зеленский
Владимир Зеленский. Фото: Yan Dobronosov / Global Images Ukraine / Getty Images

Украина президенті Владимир Зеленский генерал-полковник Александр Сырскийді Валерий Залужныйдың орнына Украина Қарулы Күштерінің Бас қолбасшысы қызметіне тағайындады. Бұл туралы KAZ.NUR.KZ хабарлайды.

"Мен генерал Залужныйға екі жылдық қорғаныс үшін алғыс айтамын. Осы соғыста асқан күш-жігерімен елімізді қорғап жатқан барлық украин жауынгерінің арқасында бірге қол жеткізген әрбір жеңісіміз үшін ризамын.

Бүгін армияда қандай өзгерістер қажет екені туралы ашық сөйлестік. Шұғыл өзгерістер. Мен генерал Залужныйға болашақта командада бірге болуды ұсындым. Мен оның келісіміне ризамын", - деді Украина президенті.

Зеленский бүгіннен бастап Украина қарулы күштері қолбасшылығы басшылығына жаңа басқару тобы кіретінін айтты.

"Мен түрлі деңгейдегі командирлермен көп әңгіме өткіздім. Атап айтқанда, бүгін бригадалық генералдар Андрей Гнатов, Михаил Драпат, Игорь Скибюк және полковниктер Павел Палиса және Вадим Сухаревскиймен сөйлестім.

Олардың барлығы армиядағы басшылық лауазымдарға қарастырылып жатыр және Украинаның ең тәжірибелі қолбасшысының басшылығында қызмет етеді. Оның сәтті қорғаныс тәжірибесі бар - Киевті қорғау операциясын жүргізді. Сондай-ақ Харьковты азат ету операциясындағы сәтті тәжірибесі бар. Мен генерал-полковник (Александр - ред.еск.) Сырскийді Украина Қарулы Күштерінің бас қолбасшысы қызметіне тағайындадым", - деді Зеленский.

Мақаланың түпнұсқасы: https://kaz.nur.kz/world/2060000-zelenskii-zaluznyidyn-ornyna-zana-qolbassyny-tagaiyndady/