Түркиядағы топырақ көшкіні: 9 жұмысшы жоғалып кеткен

Түркияның Эрзинджан провинциясы Илич ауданындағы шахтада болған жарылыс салдарынан үйінді астында қалған 9 адамды іздеу-құтқару жұмыстары жалғасуда.

Түркияның ішкі істер министрі Али Ерликая оқиғаға байланысты мәлімдеме жасады.

"Біз AFAD, түрік қарулы күштері және жақын маңдағы провинциялардағы күштер көмегімен қолымыздан келгеннің бәрін жасап жатырмыз. Қазіргі уақытта аймақта 827 адам жұмыс істеп жатыр, оның 339-ы іздеу-құтқару жұмысшылары Шахтада үлкен масса бар. Бірнеше жұмысшының салмағын көтере алмағандықтан, жарылыстан кейін сол маңдағы топырақ опырылды. Жақсы жаңалық болады деп үміттенемін", - деді ішкі істер министрі Али Ерликая

Шахта басшысы Анагольд баспасөз хабарламасында оқиғаны растап, үйінді астында қалған жұмысшыларды іздеуге оның төтенше жағдайлар қызметі де қатысып жатқанын атап өтті.

Компанияның сайтында бұл кеніштің 2010 жылғы желтоқсаннан жұмыс істей бастағаны жазылған.

Эрзинджан губернаторы Мысырға ресми сапармен барған Түркияның ішкі істер және энергетика министрлері қазір оқиға орнына шұғыл аттанғанын айтты.

"Олар осы жерге келеді. Қазір барлық команда оқиға орнында. Мемлекет басшысының тапсырмасы бойынша біздің ел барлық ресурсты жұмылдырды", - деді Хамза Айдогду.