Украинаның Еуроодаққа қосылуына қатысты келіссөздер жазға дейін тоқтатылды

Украинаның Еуроодаққа қосылуы жөніндегі келіссөздер маусымға дейін шегерілді. Бұл туралы Еурокомиссия төрағасы Урсула фон дер Ляйен мәлімдеді, деп хабарлайды Deutsche Welle.

Басылым мәліметінше, Еурокомиссия төрағасы Урсула фон дер Ляйен 21 ақпан қарсаңында Украина билігімен елдің Еуроодаққа қосылуы туралы келіссөздер кейінге қалғанын хабарлаған.

Еурокомиссия басшысы 6-9 маусым аралығында өтетін Еуропарламент сайлауына дейін келіссөздерге қажетті негіз жасалады деп күтпейтінін айтты.

"Бұған біраз уақыт кетеді", - деді Урсула фон дер Лейен, ол "Еуроодақ жаздың басында дайын болуы мүмкін" екенін қоса айтты.

Фон дер Ляйенге сілтеме жасаған басылымның хабарлауынша, Еуропалық комиссия қазір Украинамен келіссөздер үшін "басшылық қағидаттар шеңберін" әзірлеп жатыр, содан кейін оны ЕО-ның барлық 27 мүшесі бірауыздан мақұлдауы керек.

Мәтіннен қате тапсаңыз, бізге жазыңыз