АҚШ-та ұшақ тасжолға құлады: қаза тапқандар бар

АҚШ-тың Теннесси штатында бір моторлы ұшақ тасжолда апатқа ұшырады. Бірнеше адам қаза тапты деп хабарлайды Нэшвилл полициясына сілтеме жасаған KAZ.NUR.KZ.

Полиция оқиға туралы X әлеуметтік желісінде хабарлады.

"Бір моторлы ұшақ I-40 шығыс жолағында апатқа ұшырады. Борттағы бірнеше адам қаза тапты", - деп хабарлады Нэшвилл полициясы.

Қазір құқық қорғау органдары ұшақтың қай жерден ұшқанын анықтауда.

Айта кетейік, Нэшвилл - Американың Теннесси штатының астанасы.

Еске сала кетейік, АҚШ-та ұшақтың электр желілеріне соғылғанын да бұрын жазған едік. Бұл өткен жылдың желтоқсан айының соңында болған.

Ал қараша айының ортасында Жерорта теңізінің шығысында ұшақ апаты болды – АҚШ әскери оқу-жаттығу тікұшағы апатқа ұшырағаны хабарланды. Бортта бес адам болған, барлығы қаза тапты.

Сонымен қатар 2022 жылдың маусымында Калифорнияда Мексика шекарасына жақын жерде MV-22 Osprey әскери ұшағы апатқа ұшырады. Ол кезде бортта бес адам да болған және олардың барлығы өлі деп саналды.

Ал 2021 жылдың соңында бортында 21 жолаушысы бар ұшақ Техас штатында көтерілу кезінде апатқа ұшырады. Барлық жолаушылар мен экипаж мүшелері эвакуацияланып үлгерді. Екі адам зардап шекті.