Илон Маск емес: әлемдегі ең бай адамның есімі белгілі болды

Amazon-ның негізін қалаушы Джефф Безос әлемдегі ең бай адам мәртебесін қайта иеленді. Ол бұған өз компаниясының акцияларын сатудың арқасында қол жеткізді, деп хабарлайды Quartz басылымына сілтеме жасаған KAZ.NUR.KZ.

Bloomberg жариялаған мәлімет бойынша, Безостің байлығы 200 миллиард долларға жетті, бұл жыл басындағы көрсеткішпен салыстырғанда 23,4 миллиард долларға көп.

Илон Маск бұл рейтингте 198 миллиард доллар байлығымен екінші орынға түсіп қалды. Tesla компаниясының бас директоры биыл 31,3 миллиард долларынан айырылды, өйткені Tesla акциялары 2024 жылға қарай 24 пайыздан астам төмендеді.

Ал Безос соңғы рет 2021 жылдың күзінде әлемнің ең бай адамдары рейтингінде көш бастаған еді.

Соңғы жылдары Безос, Маск және Бернар Арно (LVMH конгломератының төрағасы) кезек-кезек әлемнің ең бай адамдары атағын иеленіп келеді. Дегенмен басқа рейтинг бойынша Арно әлі де тізімнің басында тұр.

Мәселен, Forbes таза құнды Bloomberg-тен басқаша есептейді. 4 наурыздағы жағдай бойынша Арно мен оның отбасы Forbes-тің миллиардерлер тізімінде әлі де бірінші орында тұр.

Басылым мәліметінше, отбасының капиталы 228,8 миллиард долларға тең. Forbes мәліметтері бойынша Масктың капиталы 202,3 миллиард доллар (рейтингте екінші орын), ал Безостың капиталы 198,5 миллиард доллар (рейтингте үшінші орын).