Ресейде президент сайлауы басталды

Ресей Федерациясында президент сайлауында дауыс беру басталды. 15 наурызда шығыс аймақтарда, одан кейін республика бойынша сайлау учаскелері ашылады. Дауыс беру үш күнге созылады, деп хабарлайды KAZ.NUR.KZ РИА Новости агенттігіне сілтеме жасап.

Басылым ақпаратынша, Урал федералды округінде және бірқатар Приволжье бойында сайлау учаскелері сағат 8:00-де (Мәскеу уақытымен 6:00) ашылды.

Алғаш рет Ресей президентін сайлау үш күн бойы 15-17 наурыз аралығында өтеді.

Президент сайлауында дауыс беру үшін 94 мыңнан астам сайлау учаскелері құрылып, 113,5 миллионға жуық бюллетень дайындалды.

Үміткерлер тізімі

Орталық сайлау комиссиясы қазіргі президент Владимир Путинді мемлекет басшысы лауазымына кандидат ретінде тіркеді. Сондай-ақ науқанға парламенттік партиялардан ұсынылған кандидаттар қатысуда: Леонид Слуцкий (РЛДП), Николай Харитонов (РФКП) және Владислав Даванков ("Жаңа адамдар").

Дауыстарды санау сайлау аяқталғаннан кейін бірден басталады және дауыс берудің нәтижесі анықталғанға дейін үздіксіз жалғасады. Учаскелік сайлау комиссияларының мүшелері нәтижелерді 19 наурыздан кешіктірмей, ал РФ субъектілерінің сайлау комиссиялары 21 наурыздан кешіктірмей жариялауы керек.

Сайлаудың түпкілікті нәтижесін Орталық сайлау комиссиясы 28 наурызға дейін анықтауы тиіс. Олар хаттамаларға қол қойылғаннан кейін үш күн ішінде жарияланады.

Сайлаушылардың 50%+1 дауысын жинаған үміткер жеңімпаз болады. Егер бұл орындалмаса, ОСК бірінші турдан соң үш аптадан кейін өтетін екінші турды белгілейді. Оған ең көп дауыс жинаған екі үміткер қатысады.