Стамбұл әуежайында ұшақ алдыңғы дөңгелектерсіз қонды (видео)

Парижден ұшып келген ұшақ Стамбұл әуежайында алдыңғы дөңгелектерінсіз қонды, себебі шасси ашылып үлгермеген. Бұл туралы әуе компаниясы хабарына сілтеме жасаған KAZ.NUR.KZ хабарлайды.

"Сәрсенбіде, 8 мамырда сағат 08:17-де Париждегі Шарль де Голль әуежайынан келген FedEx Boeing 767 типті жүк ұшағы техникалық себеппен алдыңғы шассиі ашылмаған күйі Стамбұл әуежайына аман-есен қонды", - делінген әуежайдың Х әлеуметтік желісіндегі хабарламасында.

Стамбұл әуежайының өкілдері ешкім зардап шекпегенін айтты. Қонғаннан кейін ұшу-қону жолағындағы әуе қозғалысы уақытша тоқтатылды.

Ұшақтың қатты қону сәті әлеуметтік желілерде пайда болды.