Ресейде автобус көпірден өзенге құлап кетті (видео)
Жарияланған күні:
![Оқиға орны Оқиға орны](https://cdn.nur.kz/images/1120x630/9937de6fb140a09c.jpeg)
Бүгін, 10 мамырда Санкт-Петербургте автобус көпірден Мойка өзеніне құлады, ішінде 20-ға жуық адам болған. Бұл туралы Риа Новости агенттігі елдің ІІМ Бас басқармасына сілтеме жасап хабарлайды.
Агенттік мәліметінше, Ресей ІІМ Бас басқармасы бүгін Санкт-Петербургте автобус көпірден Мойка өзеніне құлаған, ішінде 20-ға жуық адам болған, олар судан шығарылып жатыр, деп хабарлады
"Бүгін күндізгі сағат бір шамасында полицияға Большая Морская көшесіндегі 69-үйдің маңында жолаушылар автобусы көпірден Мойка өзеніне құлап кеткені туралы хабарлама түсті. Төтенше жағдай кезінде көліктің ішінде шамамен 20 адам болған", - делінген хабарламада.
ТАСС мәліметінше, автобус салонында болған бір адам қаза тапқан.
Мақаланың түпнұсқасы: https://kaz.nur.kz/world/2098463-reseide-avtobus-kopirden-ozenge-qulap-ketti-video/