Индонезияда жойқын су тасқынынан 40-тан аса адам қаза тапты
Жарияланған күні:
![Индонезиядағы су тасқыны Индонезиядағы су тасқыны](https://cdn.nur.kz/images/1120x630/2c602c02f07f2cf1.jpeg)
Индонезиядағы Марапи жанартауының баурайында муссондық жаңбыр салдарынан жойқын су тасқыны болды. Бұл туралы KAZ.NUR.KZ The Guardian басылымына сілтеме жасап хабарлайды.
Толассыз жауған жаңбыр салдарынан су тасқыны Индонезияның Суматра аралындағы жанартау баурайында лава мен лайдың ағуына себеп болды.
Кемінде 41 адам қаза тауып, оннан астам адам із-түссіз жоғалған. Қаза тапқандардың көпшілігі Кандуанг ауылында, тоғызы Тана Датарда және сегізі Паданг Париаман ауданында табылды.
Индонезияның Табиғи апаттарды жою жөніндегі ұлттық агенттігі өкілдерінің хабарлауынша, өзен арнасынан асып, Батыс Суматра провинциясының төрт ауданындағы таулы ауылдарды жарып өткен. Су тасқыны салдарынан 100-ден астам үй мен ғимаратты су басып қалды.
Сонымен қатар сәуірдің аяғында Индонезияда Руанг жанартауы атқылаған, сондықтан ел билігі дабыл деңгейін ең жоғары деңгей деп бағалаған.
Мақаланың түпнұсқасы: https://kaz.nur.kz/world/2099597-indoneziiada-zhoiqyn-su-tasqynynan-40-tan-asa-adam-qaza-tapty/