"Заңды сақтаймыз": Германия Израиль премьер-министрі Нетаньяхуды тұтқындауға дайын екенін мәлімдеді
Жарияланған күні:
Германия канцлері Олаф Шольцтің баспасөз хатшысы Штеффен Хебестрайт Германия Израиль премьер-министрі Нетаньяхуды тұтқынға алуға дайын екенін мәлімдеді. Бұл жөнінде The Jerusalem Post басылымына сілтеме жасаған KAZ.NUR.KZ хабарлайды.
Берлиндегі Израиль елшісі Рон Просор X желісінде Германияның федералды үкіметін Халықаралық қылмыстық соттың заңдылығынан толығымен бас тартуға шақырған жазбас- жариялады.
Алайда Германия канцлері Олаф Шольцтің баспасөз хатшысы Штеффен Хебестрайт "Германия үкіметі Халықаралық қылмсытық соттың Израиль премьер-министрі Биньямин Нетаньяхуды әскери қылмыс жасады деген айыппен тұтқындау туралы бұйрығын орындай ма?" деген сұраққа Германия бұған дайын екенін айтты.
"Иә, әрине. Біз заңды сақтаймыз", - деді Хебестрайт.
Мақаланың түпнұсқасы: https://kaz.nur.kz/world/2106549-zangdy-saqtaimyz-germaniia-izrail-premer-ministri-netaniahudy-tutqyndauga-daiyn-ekenin-malimdedi/
