"Тарихи шешім": Испания Палестинаны тәуелсіз мемлекет ретінде ресми түрде мойындады
Жарияланған күні:
Испания премьер-министрі Педро Санчес елінің Палестинаны мемлекет ретінде ресми мойындағанын мәлімдеді. Оның сөзінше, бұл — тарихи шешім, деп хабарлайды Aljazeera арнасына сілтеме жасаған KAZ.NUR.KZ.
Премьер-министр Педро Санчестің айтуынша, Испания Палестинаны тәуелсіз мемлекет ретінде ресми түрде мойындады.
"Бұл — әділетке бағытталған тарихи қадам және бейбітшілікке жетудің жалғыз жолы", - деді Санчес.
Испания Палестинаның мемлекеттігін мойындаған Ирландия, Норвегия және тағы 144 елдің қатарын қосылды.
Еске салайық, 22 мамырда Euronews тілшілері мәлім еткендей, Испания премьер-министрі Педро Санчес оның елі 28 мамырда Палестинаны мемлекет ретінде танитынын айтқан.
Испания социалистерінің жетекшісі сәрсенбіде ел парламентінде мәлімдеме жасалатынын жеткізген еді.
Мақаланың түпнұсқасы: https://kaz.nur.kz/world/2108316-tarihi-sheshim-ispaniia-palestinany-tauelsiz-memleket-retinde-resmi-turde-moiyndady/
