Солтүстік Корея шекара арқылы Оңтүстік Кореяға қоқыс ілінген 150-ден астам шар ұшырған

Солтүстік Корея Оңтүстік Кореяға шекара арқылы 150-ден астам әуе шарын жіберді. Оларға қоқыс салынған қаптар ілінген, деп хабарлайды CNN арнасына сілтеме жасаған KAZ.NUR.KZ.

Басылымның мәліметінше, сейсенбі күні кешке оңтүстіккореялық әскерилер солтүстіктен ұшып келген көп шарды байқаған. Елдің Біріккен Штаб бастықтары басқармасының (JCS) мәліметінше, олар сәрсенбі күні таңертең 150-ден астам әуе шарын тапқан. Жарияланған фотосуреттерде полиэтилен пакеттері, кейбірінде пластик сынықтары, қағаз парақтары және кір болып көрінетін заттар көрсетілген. Мұның бәрі жолдар мен тротуарлардың бойында шашылып жатыр. Қазіргі таңда мемлекеттік органдар әуе шарлар мен олардың ішіндегілерін тексеріп жатыр.

"Солтүстік Кореяның әрекеттері халықаралық құқықты бұзады және біздің азаматтардың қауіпсіздігіне елеулі қатер төндіреді. Біз Солтүстік Кореяға өзінің адамгершілікке жатпайтын және төмен деңгейдегі әрекеттерін дереу тоқтатуды қатаң ескертеміз", - деді елдің Біріккен Штаб бастықтары басқармасы өкілдері.

Билік сонымен қатар солтүстіктегі Кёнги мен Ганвон провинцияларының тұрғындарына "белгісіз заттар" түскенін ескертіп, сыртта жұмыс істемеуге кеңес берген хабарламалар жіберді. JCS мәліметтері бойынша, пакеттер тұрғын үйлерді, әуежайларды және тасжолдарды зақымдауы мүмкін.

CNN мәліметінше, Солтүстік Кореяның мемлекеттік БАҚ өкілдері KCNA бұл қадамды "үгіт-насихат парақшалары, азық-түлік, дәрі-дәрмек, радиолар мен Оңтүстік Корея жаңалықтары мен телехикаялары бар USB дискілері бар материалдарды жиі жіберетін" оңтүстік кореялық белсенділерге жауап екенін хабарлады.