Қадыров жиенін Шешенстанның көлік министрі етіп тағайындады
Опубликовано:
Рамзан Қадыровтың әпкесінің ұлы Адам Черхигов Шешенстанның көлік, коммуникация және цифрлық даму министрі болып тағайындалды. Бұл жаңалықты Қадыров Telegram-дағы арнасында жария етті, деп хабарлайды KAZ.NUR.KZ.
"Жас болғанына қарамастан, Адамның басшылық қызметтерде мол тәжірибесі және министрлік алдында тұрған міндеттерді нәтижелі орындауға қажет кәсіби дағдылары бар", - деп жазды Шешенстан басшысы.
Бұған дейін Көлік және коммуникация министрлігін Рамзан Черхигов басқарған. Адам Черхигов жаңа қызметке тағайындалғанға дейін Шешенстан үкіметіндегі мектепке дейінгі тәрбие жөніндегі комитеттің төрағасы болған.
РБК мәліметінше, Адам Черхигов – Шешенстан басшысының әпкесі Зарған Қадырова мен Адам Черхиговтың ұлы.
Еске салайық, бұған дейін Рамзан Қадыровтың үлкен ұлы 18 жастағы Ахмат Қадыров Шешенстанның спорт министрі болып тағайындалғаны белгілі болған еді.
Мақаланың түпнұсқасы: https://kaz.nur.kz/world/2112345-qadyrov-zhienin-sheshenstannyng-kolik-ministri-etip-tagaiyndady/
