Түркиядағы орман өртінен оннан астам адам қаза тауып, 80-ге жуық адам жарақат алды (видео)

Кеше, 20 маусымда түнге таман Түркияның Диярбакыр мен Мардин провинциялары арасындағы егістік алқаптарда өрт шықты. Алдын ала болжам бойынша 11 адам қаза тапқаны, 80-дей адам жарақат алғаны хабарланды.

Түркия Ішкі істер министрі Али Эрликая X әлеуметтік желісінде өрттің Диярбакыр провинциясында сағат 22:15-те басталғанын, жел салдарынан өрт Мардинге қарай ойысқанын мәлімдеді.

Түркияның TRT Haber арнасы мәліметінше, Түркия денсаулық сақтау министрі Фахреттин Кожа өрт салдарынан 11 адамның қаза тапқанын, 78 адам жарақат алғанын хабарлады.

Қазір аудан прокуратурасы өртке қатысты тексеру жұмыстарын бастады. Өрттің шығу себебі әлі белгісіз.

Сонымен қатар Түркия News Telegram-дағы арнасы ақпараты бойынша өрт салдарынан көптеген жануарлар қырылғанын, өңірге ветеринарлық көмек қажет болған.

TRT Haber телеарнасы Түркияның Чорум провинциясында 5 гектар орманды өрт шарпығанын хабарлады.

Мәтіннен қате тапсаңыз, бізге жазыңыз