Top.Mail.Ru

Сайт нұсқасы

ru kz

Зектілері

Словакияда жолаушылар пойызы автобуспен соқтығысты: қаза тапқандар мен зардап шеккендер бар

Опубликовано:

Оқиға орны
Оқиға орны. Видеодан кадр: t.me/shot_shot

27 маусымда Словакияда пойыз теміржол өткелінде автобусқа соғылды. Оқиға салдарынан алты адам қаза тауып, бесеуі жарақат алды, деп хабарлайды KAZ.NUR.KZ.

РБК сайтының мәліметінше, халықаралық экспресс пойыз Прагадан Будапештке бара жатқан.

Нове Замкиден Кольта ауылына бара жатқан "Аррива" автобусы екіге бөлініп қалған. Автобус ішінде сегіз жолаушы мен жүргізуші болған. №279 EuroCity пойызында 200-ге жуық адам келе жатқан. Соқтығысқаннан кейін пойызда өрт шыққан.

Зардап шеккендердің арасында автобус жүргізушісі мен пойыз машинисі бар. Экспресс пойыздағы жолаушылардың ешқайсысы ауыр жааланбаған.

Жергілікті телеарна апатқа теміржол өткеліндегі дабыл жүйесінің ақауы, жаңбыр әсер етуі мүмкін деп хабарлады. Алайда ішкі істер министрі Матус Шутай-Ешток бұл нұсқаны растамады.

Словакия президенті Петер Пеллегрини қаза болғандардың отбасына көңіл айтып, зардап шеккендердің тезірек сауығуын тіледі.

Қазір оқиға орнында төтенше жағдайлар қызметі жұмыс істеп жатыр, оқиғаның себептері анықталып жатыр, деп жазды Telegram-дағы SHOT арнасының авторлары.

"Хабардар бол!" - NUR.KZ ұсынған жаңалықтар топтамасы

Редакция ең өзекті мақалаларды бір жерге топтастырып, назарға ұсынады. Әлемде және елде болып жатқан аптаның ең маңызды оқиғаларынан әрдайым хабардар болып отырыңыз.

* міндетті түрде толтырылуы керек жол

Мақаланың түпнұсқасы: https://kaz.nur.kz/world/2125455-slovakiiada-zholaushylar-poiyzy-avtobuspen-soqtygysty-qaza-tapqandar-men-zardap-shekkender-bar/