Радиоға сұқбат берген Байден қателесіп, өзін "қара нәсілді әйел" деп атады

Радиоға берген сұқбатында АҚШ президенті Джо Байден қателесті. Ол "қара нәсілді президент елді басқарған кезде жұмыс істеген алғашқы қара нәсілді әйел болғанын мақтан тұтатынын" айтты, деп хабарлайды KAZ.NUR.KZ.

The New York Times сайтының хабарлауынша, Байден радионың жүргізушілеріне екі сұқбат берді, бірақ олардың бірінде ол сөзінен шатасып, екінші сұқбатта қателік жіберген.

Ойын әсерлі жеткізбек болған Байден "қара нәсілді президентпен бірге қызмет еткен алғашқы қара әйел" болғанын мақтан тұтатынын айтты. Бұл сөзімен ол Барак Обаманың кезінде вице-президент болған уақытын меңзеген.

Кейіннен Байденнің сайлауалды штабының баспасөз хатшысы Аммар Муса БАҚ-ты президенттің қателігін таратып жіберді деп сынады. Оның айтуынша, "БАҚ шектен тыс кетті".

Сонымен бірге басылым АҚШ-тың бұрынғы президенті Дональд Трамппен пікірталастан кейін көпшілік Байденнің барлық сөзін жіті қадағалап отырғанын жазды.

Айта кетейік, АҚШ-та Трамп пен Байден сайлауалды дебат өткізгенін жазған едік.