Қырғызстанда балгерлер мен көріпкелдерді жарнамалауға тыйым салынды

Қырғызстанда оккульттік және мистикалық қызметтерді және оларды ұсынатын тұлғаларды жарнамалауға тыйым салынды. Бұл туралы Қырғызстан президентінің ресми сайтына сілтеме жасаған KAZ.NUR.KZ хабарлайды.

Қырғызстан президенті Садыр Жапаров 2024 жылғы 12 маусымда қабылданған "Қырғыз Республикасының "Жарнама туралы" заңына өзгерістер енгізу туралы" құжатқа қол қойды.

Қабылданған заң оккульттік және мистикалық қызметтерді және сол қызметті көрсететін тұлғаларды жарнамалауға тыйым салуды көздейді.

"Қабылданған заңның мақсаты қызмет көрсету кезінде азаматтардың сана-сезімін кез келген оккульттік, магиялық немесе өзге де сенімсіз әдістермен өз пайдасына шешу жолдарын ұсынатын айла-шарғыларды жоюға бағытталған", - делінген хабарламада.