Зеленский Трамппен телефон арқылы сөйлесті
Опубликовано:
Читать на русском
Украина президенті Владимир Зеленский АҚШ-тың бұрынғы президенті, биылғы сайлауға кандидаттардың бірі – Дональд Трамппен телефон арқылы сөйлесті. Бұл жөнінде "Украинская правда" басылымына сілтеме жасаған KAZ.NUR.KZ хабарлайды.
Зеленский Трамппен сөйлескенін X әлеуметтік желісі арқылы хабарлады.
"Біз президент Трамппен жеке кездесуде қандай қадамдар бейбітшілікті әділ әрі шынайы тұрақты ете алатынын талқылауға келістік", - деп жазды Зеленский.
Трамп та Truth Social әлеуметтік желісіндегі жазбасы арқылы Зеленскиймен сөйлескенін мәлімдеді.
"Президент Зеленскийге хабарласқаны үшін алғыс айтамын, өйткені мен Америка Құрама Штаттарының келесі президенті ретінде әлемге бейбітшілік орнатып, көптеген адамның өмірін қиған және сансыз жазықсыз отбасыларды жойған соғысты тоқтатамын.
Екі тарап жиналып, зорлық-зомбылықты тоқтататын және өркендеуге жол ашатын келісімге келе алады", - деді Трамп.
- Зеленский Байденмен және Ердоғанмен кездесті (фото)
- Халықаралық қылмыстық сот Шойгу мен Герасимовты тұтқындауға ордер берді
Мәтіннен қате тапсаңыз, бізге жазыңыз
Оригинал статьи: https://kaz.nur.kz/world/2137173-zelenskii-tramppen-telefon-arqyly-soilesti/