Камала Харрис АҚШ президенттігіне кандидат болуға ниетті

АҚШ вице-президенті Камала Харрис Джо Байден бәсекеден шығатынын мәлімдегеннен кейін АҚШ-тың демократиялық партиясынан президенттікке кандидат болуға ниетті екенін мәлімдеді.

DW басылымының хабарлауынша, Харрис Дональд Трампты жеңу үшін Демократиялық партия мен ұлтты біріктіру үшін қандай шаралар қабылдайтынын айтты. Ол сондай-ақ Джо Байденге кандидатурасын қолдағаны үшін алғыс айтты.

"Мен президенттің қолдауына ие болғанымды мақтан тұтамын және мен бұл номинацияны жеңіп алуға ниеттемін", - деді АҚШ вице-президенті.

Айта кетейік, АҚШ президенті Джо Байден президенттік бәсекеден шығатынын мәлімдеді. Бұл туралы саясаткер өзінің X әлеуметтік желісіндегі ресми парақшасында мәлімдеді. Ол президенттік бәсекеден шығуға шешім қабылдағанын, сайлауда АҚШ вице-президенті Камала Харристі қолдайтынын айтты. Дегенмен Байден мерзімі аяқталғанға дейін АҚШ-тың президенті болып қалуға ниетті.

Бұған дейін АҚШ президенті Джо Байден коронавирус жұқтырып, емделіп жатқанын жазған едік.