БАҚ: Павел Дуровты қамауда ұстау мерзімі ұзартылды

Франциялық БАҚ 24 тамызда Францияда ұсталған Telegram негізін қалаушы Павел Дуровты қамауда ұстау мерзімі ұзартылғанын мәлімдеді. Бұл туралы "РИА Новости"-ге сілтеме жасаған KAZ.NUR.KZ хабарлайды.

Дуровты қамауда ұстау мерзімі ұзартылғанын журналистерге тергеуге жақын дереккөз хабарлаған.

Франциялық басылымдардың мәліметінше, Дуровтың ісін жүргізіп жатқан тергеу судьясы қамауда ұстау мерзімін жексенбі кешке қарай ұзартты. Францияда жауап алу үшін қамауда ұстаудың бастапқы мерзімі ең көбі 96 сағатқа созылуы мүмкін.

Қамауда ұстаудың бастапқы кезеңі аяқталғаннан кейін судья Дуровты босатуы немесе қамауға алу үшін оған айып тағуы мүмкін.

Еске салсақ, Telegram мессенджерінің негізін қалаушы Павел Дуров Францияда қамауға алынғанын хабарлаған болатынбыз.

Франциядағы БАҚ өкілдерінің мәліметінше, Telegram-дың негізін қалаушы және бас директоры жеке ұшағынан шығып бара жатқан жерінде ұсталған.

Мәтіннен қате тапсаңыз, бізге жазыңыз