Украинада бес бірдей министр отставкаға кетті

Зеленский Украина үкіметінің құрамы өзгеретінін мәлімдеді. Кеше бес бірдей министр отставкаға кетті, деп хабарлайды "РБК-Украина"-ға сілтеме жасаған KAZ.NUR.KZ.

Басылым мәліметінше, 3 қыркүйекте Украинаның Жоғарғы Радасына мына министрлерден отставкаға кету туралы өтініш келіп түскен:

• Украинаның стратегиялық өнеркәсіп министрі Камышин О.М.
• Украинаның әділет министрі Малюьки Д.Л.
• Украинаның қоршаған ортаны қорғау және табиғи ресурстар министрі Р.А
• Украинаның еуропалық және еуроатлантикалық интеграция жөніндегі вице-премьері Ольга Стефанишина.
• Украинаның уақытша басып алынған аумақтарын реинтеграциялау министрі Ирина Верещук.

Украина президенті Владимир Зеленский кешкі жолдауында Украина министрлер кабинеті үшін белгілі бір кадрлық шешімдер әзірленгенін айтты. Президент кеңсесі де өзгереді.

"Мен сыртқы және ішкі саясатымыздың жекелеген бағыттарының сәл өзгеше салмағына сенемін. Біріншіден, орталық билік пен қауымдастықтар арасында өзара әрекеттесу көбірек қажет. Әсіресе қазір, қысқы маусымға дайындық кезінде. Екіншіден, Украина қорғаныс өндірісінде айтарлықтай нәтижелерге қол жеткізді", - деді Зеленский.

Үшінші бағыт – НАТО-мен жұмысты күшейту. Зеленскийдің пікірінше, бұл үшін ерекше өзара әрекеттесу қажет. Төртінші бағыт – Еуропалық Одақ және нақты мүше болу жөніндегі келіссөздер, болашақ келісімінің тиісті бөліктерін әзірлеу.

"Бұл заң тұрғысынан да, саяси тұрғыдан да өте айқын жұмыс. Ол үшін жеке жауапкершілік болады.

Бесіншіден, Украина серіктестермен қарым-қатынаста қол жеткізген барлық нәрсені – Украинаға деген сенімді, украиy рухының күшін, серіктестермен қарым-қатынасты және біздің мемлекетіміздің алдында ресейлік насихатқа қарсы тұруда, сондай-ақ Украинаның мәдени мұрасын қорғауда тұрған міндеттерді біріктіру керек.

Бізге ақпараттық, мәдени және дипломатиялық жұмыстардың жаңа деңгейі қажет. Мен қол ұшын созатындардың бәріне ризамын", - деп атап өтті Украина басшысы.

Басылым өзінің дереккөздеріне сілтеме жасай отырып, сыртқы істер министрі Дмитрий Кулеба да өз қызметінен айырылуы мүмкін деп жазады.

Кейбір мәліметтерге қарағанда, Сыртқы істер министрлігінің басшысы қызметіне оның орынбасары Андрей Сибига тағайындалуы мүмкін.