"Қазақстан елшісі де бар": Пәкістанда дипломаттар мінген кортежді алып жүрген полиция көлігі жарылды
Жарияланған күні:
Пәкістанда 12 мемлекеттің елшісі отырған кортежге ілесіп жүрген полиция көлігі жарылды. Дипломаттардың ешқайсысы зардап шеккен жоқ, деп хабарлайды Сыртқы істер министрлігіне сілтеме жасаған KAZ.NUR.KZ.
"22 қыркүйекте Хайбер-Пахтунхва провинциясында 12 мемлекеттен келген елшілерді алып жүрген полиция көлігін мина жарып жіберді, дипломатиялық корпустың өкілдері зардап шеккен жоқ, елшілер Исламабадқа жеткізілді.
Елшілер Исламабад Сауда-өнеркәсіп палатасы ұйымдастырған туристік конференцияға қатысу үшін Сват қаласына бара жатқан", - деді Сыртқы істер министрлігінің ресми өкілі Айбек Смадияров.
СІМ ресми өкілінің сөзінше, колонна құрамында Қазақстан елшісі де болған. Смадияров Қазақстан елшісі де, басқа шетелдік елшілер де зардап шекпегенін, оларға қауіп төніп тұрмағанын хабарлады.
Мақаланың түпнұсқасы: https://kaz.nur.kz/world/2164542-qazaqstan-elshisi-de-bar-pakistanda-diplomattar-mingen-kortezhdi-alyp-zhurgen-politsiia-koligi-zharyldy/
