Иран Израильге жасалған шабуылды өзін-өзі қорғау деп атап, оның аяқталғанын мәлімдеді

Иран Сыртқы істер министрі Аббас Арагчи Израильге қарсы соққыға қатысты пікір білдіріп, оны Тегеранның өзін-өзі қорғау құқығын жүзеге асыру деп атады. Мәлімдеме әлеуметтік желілерде жарияланды, деп хабарлайды РБК-ға сілтеме жасаған KAZ.NUR.KZ.

"Біз Газа мен Ливандағы геноцидке жауапты әскери нысандарды нысанаға ала отырып, БҰҰ Жарғысының 51-бабына сәйкес өзін-өзі қорғау құқығына жүгіндік", - деді Арагчи.

Оның айтуынша, Иран "Газада атысты тоқтатуға мүмкіндік беру үшін екі айға жуық уақыт бойы күтіп, ұстамдылық танытты".

"Біздің әрекеттеріміз аяқталды. Егер Израиль режимі одан әрі кек алуды ұйғарса, бұл жағдайда біздің жауабымыз бұдан күштірек болады", - деді ол.

Иран 1 қазанда кешке Израильге зымыранмен шабуыл жасады. Шабуылдың нәтижесі туралы нақты ақпарат жоқ. Алдын ала мәлімет бойынша, шабуылдан бір адам – палестиналық құрбан болған, оның үстіне зымыранның сынығы құлаған. Сондай-ақ Израильдің әртүрлі аймақтарында жеңіл жараланғандар бар екені хабарланды.