Израиль Ливан астанасына соққы жасады (видео)

Израиль армиясы Ливан астанасы Бейрутке соққы жасалғанын мәлімдеді. Бұқаралық ақпарат құралдары ел астанасы маңындағы елдімекендерде өрт басталғанын жазып жатыр, деп хабарлайды РБК-ға сілтеме жасаған KAZ.NUR.KZ.

Израиль қорғаныс күштері Ливан астанасына жасалған шабуыл туралы Telegram-дағы арнасында хабарлады.

"Израиль қорғаныс күштері Бейрутке бағытталған соққы берді", - деп хабарлады Израиль баспасөз қызметі.

Баспасөз қызметі толық мәліметті кейінірек беруге уәде етті.

Арабтілді БАҚ-тың хабарлауынша, Бейруттың оңтүстік шетіндегі аудандарға, сондай-ақ Ливанның оңтүстігіндегі Кфар-Шуба қаласына шабуыл жасалған. Бірнеше жерде өрт шықты.

Бұған қоса, БАҚ Башур аймағындағы Ислам денсаулық сақтау басқармасының орталығына шабуыл жасалғаны туралы да жазып жатыр. Әзірге бұл ақпарат ресми расталған жоқ, бірақ оқиға орнынан түсірілген кадрлар әлеуметтік желілерде жарияланып жатыр.