НАТО өкілі Солтүстік Корея әскері Курск аймағына жөнелтілгенін хабарлады

НАТО бас хатшысы Марк Рютте КХДР өзінің әскери қызметшілерін Курск облысына жібергенін, мұндай саяси қадамды "қақтығыстың қауіпті кеңеюі" деп атады. Бұл туралы Politico-ға сілтеме жасаған KAZ.NUR.KZ хабарлайды.

Солтүстік Корея Ресейге өз әскерін жіберді. Басылымның мәліметінше, бұл туралы НАТО бас хатшысы Марк Рютте мәлімдеді.

"Мен Солтүстік Корея әскерлерінің Ресейге жіберілгенін және Курск аймағында Солтүстік Кореяның әскери бөлімшелерінің орналастырылғанын растай аламын", - деді бас хатшы журналистерге Оңтүстік Корея барлау қызметінің жоғары лауазымды қызметкерімен кездесуден кейін.

Рютте Пхеньянның қақтығысқа қатысуын "маңызды шиеленіс" және "қақтығыстың қауіпті кеңеюі" деп атады.

Бас хатшы сондай-ақ мұндай әрекеттер Ресейдің әлсіздігін көрсетеді және "Путиннің үмітсіздігінің артып келе жатқанының белгісі" деді.