Кезекте 37 минут тұрған: Байден АҚШ-тағы президенттік сайлауда мерзімінен бұрын дауыс берді

АҚШ басшысы Джо Байден өзінің туған жері Делавэр штатында АҚШ-тағы президенттік сайлауда мерзімінен бұрын дауыс берді. Ол 37 минут бойы кезекте тұрды. Айта кетейік, сайлауға бір апта қалды.

CBS News жариялаған ақпаратқа сай, Байден дүйсенбі күні сайлауға бір аптадан аз уақыт қалғанда мерзімінен бұрын дауыс берді. Америкалық көшбасшы демалыс күндері уақыт өткізген Делавэр штатындағы Вилмингтон маңындағы учаскеге келді.

Телеарнаның сауалнамасы бойынша, Камала Харрис пен Дональд Трамп сайлауға түсіп жатқан барлық штатта теңдей келеді, алайда Камала ұлттық деңгейде бір пункттік артықшылыққа ие.

CNN хабарлауынша, Байден 37 минут кезекте тұрған. Телеарна сәйкес бейнероликті жариялады.

Естеріңізге сала кетейік, АҚШ-тағы президенттік сайлау 5 қарашада өтеді. Президенттік үшін демократиялық партиядан кандидат Камала Харрис пен 2021 жылға дейін мемлекет басшысы болған республикашыл Дональд Трамп бақ сынап жатыр.