Пәкістанда үйлену тойына бара жатқан автобус өзенге құлап, 16 адам қаза тапты

Сейсенбі күні Пәкістанның Гилгит-Балтистан провинциясындағы Диамер ауданында бір автобус Үнді өзеніне құлап, кемінде 16 адам қаза болды. Бұл туралы telegraphindia.com сайтына сілтеме жасаған KAZ.NUR.KZ хабарлайды.

Басылым мәліметінше, құтқарушылар автобустағы 23 адамның біреуін ғана аман алып қалған.

"Өзеннен он алты адамның денесі шығарылды, қалғандарын іздестіріп жатырмыз", - деді Диамер полициясының өкілі Шер Хан.

Оның айтуынша, сол күні тұрмысқа шығуға тиіс болған қалыңдық та апат кезінде жараланып, аурухана түскен.

Сайттағы мәліметке қарағанда, апатқа ұшыраған автобус Пенджабта өтетін үйлену тойына бара жатқан. Көлік сейсенбі күні таңертең көпірден өтпек болғанда өзенге құлаған.

Пәкістан президенті Асиф Әли Зардари қаза болғандар мен зардап шеккендердің туыстарына көңіл айтты.

Авторы: Талғат Дүйсенбек