Мысырда бірнеше елдің азаматтары мінген яхта теңізге батып кетті

Бортында 30-дан астам турист пен 14 экипаж мүшесі бар яхта Марса әл-Алам қаласының жағалауында Қызыл теңізге батып кетті. Құтқарылғандардың нақты саны әзірге белгісіз.

"РИА Новости" агенттігінің ақпаратынша, бүгін таңертең Мысырдың Марса Алам жағалауына жақын Қызыл теңізде 30-дан астам турисі бар яхта су астына кетті.

Жергілікті уақыт бойынша таңғы сағат 05:30-да (Астана уақыты бойынша 08:30-да) Sea Story туристік яхтасының суға батқаны туралы хабарлама келіп түскені атап өтілді. Кемеде әртүрлі елден 31 турист және 14 экипаж мүшесі болған.

Басылым хабарлауынша, аман қалғандардың біразы табылды.

"ТАСС" агенттігінің хабарлауынша, оқиға болған Мысырдың Қызыл теңіз провинциясының билігі жағдайды мұқият бақылап, құтқару операциясын жүргізеді.

Кеме 24 қарашада теңізге шығып, Хургадаға 29 қарашада жетуге тиіс болатын.

NUR.KZ редакциясы Қазақстан Сыртқы істер министрлігінен яхта бортында еліміздің азаматтары бар-жоғын білу үшін саул жолдады.