Оңтүстік Корея парламенті әскери төтенше жағдай режимін алып тастауға дауыс берді
Жарияланған күні:
Оңтүстік Корея парламенті бүгін президент Юн Сок Ель енгізген әскери төтенше жағдай режимін алып тастауға дауыс берді. Бұл туралы KAZ.NUR.KZ Sky News басылымына сілтеме жасап хабарлайды.
Оңтүстік Корея парламенті елде жарияланған әскери жағдайды алып тастауға дауыс берді. Спикер оның күшін жойғанын мәлімдеді. Ал отырысқа парламенттің 300 мүшесінің 190-ға жуығы қатысты.
Айта кетейік, Юн Сок Ель бүгін елде әскери төтенше жағдай режимін енгізіп, мұны елді "коммунистік күштерден" қорғау мақсатында жасалған шешім деп түсіндірді.
"Либерал Оңтүстік Кореяны Солтүстік Кореяның коммунистік күштері төндірген қауіптен қорғау, мемлекетке қарсы элементтерді жою үшін әскери төтенше жағдай жариялаймын", - деді Юн тікелей эфирде.
Мемлекет басшысы халыққа үндеуінде әскери жағдай енгізу азаматтардың еркіндігі мен қауіпсіздігін қамтамасыз етуге қажетті шара екенін баса айтты.
Мақаланың түпнұсқасы: https://kaz.nur.kz/world/2195771-ongtustik-koreia-parlamenti-totenshe-askeri-zhagdaidy-alyp-tastauga-dauys-berdi/
