Оңтүстік Кореяның қорғаныс министрі отставкаға кететінін хабарлады

Оңтүстік Корея қорғаныс министрі Ким Ён Хен кеше Оңтүстік Кореяда әскери жағдай енгізілгеннен кейін отставкаға кететінін айтты. Бұл туралы KAZ.NUR.KZ Dimsum Daily басылымына сілтеме жасап хабарлайды.

Бұл туралы бүгін Оңтүстік Кореяның қорғаныс министрі Ким Ён Хен ресми мәлімдемесінде айтты. Ол ел халқынан кешірім сұрап, әскерилердің оның басшылығымен әрекет еткенін растады.

"Соғыс жағдайындағы төтенше жағдайға байланысты адамдар арасында түсінбеушілік пен алаңдаушылық тудырғаны үшін өкінемін және үлкен жауапкершілікті өз мойныма аламын", - деді Оңтүстік Кореяның қорғаныс министрі.

Айта кетейік, 3 желтоқсанда Оңтүстік Корея президенті әскери төтенше жағдай жариялаған болатын.

Кейін Оңтүстік Корея парламенті әскери төтенше жағдай режимін алып тастауға дауыс берді. Қазақстанның Кореядағы елшілігі елдегі әскери төтенше жағдайға қатысты мәлімдеме жасады.

Кейін Оңтүстік Кореяда әскери режим алынды, оппозициялық партия президенттің қызметтен кетуін талап етті.

Мәтіннен қате тапсаңыз, бізге жазыңыз